Ադրբեջանի ՊՆ ղեկավարը հանձնարարել է «կանխարգելիչ միջոցներ ձեռնարկել հնարավոր սպառնալիքների դեմ»

Ադրբեջանի պաշտպանության նախարար Զաքիր Հասանովը հանձնարարականներ է տվել հայ-ադրբեջանական սահմանին և  «ռուս խաղաղապահների ժամանակավոր տեղակայման տարածքներում» հնարավոր սպառնալիքների դեմ կանխարգելիչ միջոցներ ձեռնարկելու վերաբերյալ։ Այս մասին հայտնում են Ադրբեջանի ՊՆ մամուլի ծառայությունից։

 «Հանդիպմանը վերլուծվել է օպերատիվ իրավիճակը ադրբեջանա-հայկական սահմանին և ռուս խաղաղապահների ժամանակավոր տեղակայման տարածքներում»,- ասված է հաղորդագրությունում։