Բլինքենը կենտրոնացած է Հարավային Կովկասում խաղաղության հասնելու հարցի վրա. Պատել

ԱՄՆ պետքարտուղարության խոսնակի տեղակալ Վեդանտ Պատելը հայտարարել է, որ ԱՄՆ վարչակազմը շարունակում է Հարավային Կովկասում խաղաղության հասնելու փորձերը, այդ հարցի վրա կենտրոնացած է նաև պետքարտուղար Էնթոնի Բլինքենը։ «Մենք ողջունում ենք ցանկացած ջանք, որը կօգնի մեզ ամուր խաղաղության հասնելու»,- ասել է նա։

Պատասխանելով ԵԱՀԿ Մինսկի խմբի նոր համանախագահ, Կովկասի հարցերով ԱՄՆ պետքարտուղարի ավագ խորհրդական Լուիս Բոնոյի՝ տարածաշրջան հնարավոր այցի մասին հարցին՝ Պատելը նշել է՝ նման այցի համար որևէ խոչընդոտ չկա, լրացուցիչ կհայտարարեն, եթե Բոնոն որոշի մեկնել տարածաշրջան: