Մենք միշտ էլ ընտանիք կմնանք. Ջոլին չի կարողացել զսպել հուզմունքը՝ առաջին անգամ խոսելով Փիթից բաժանվելու մասին (տեսանյութ)

Հոլիվուդյան հայտնի դերասանուհի և ռեժիսոր Անջելինա Ջոլին առաջին անգամ հրապարակայնորեն խոսել է Բրեդ Փիթից բաժանվելու մասին:

Ինչպես նշում է The Daily Mail-ը, BBC News-ին տված հարցազրույցում 41-ամյա գեղեցկուհին չի կարողացել զսպել հուզմունքը՝ նկատելով, որ Փիթից բաժանվելն իր համար չափազանց ծանր ու դժվար էր:

«Չեմ ուզում այդ մասին շատ խոսել: Կասեմ միայն, որ դա ինձ համար չափազանց ծանր շրջան էր, բայց մենք ընտանիք ենք ու միշտ էլ ընտանիք կմնանք: Այժմ նախընտրում եմ կենտրոնանալ երեխաներիս՝ մեր երեխաների վրա: Ես փորձում եմ պայքարելու այնպիսի տարբերակ գտնել, որը մեզ կմտերմացնի ու ավելի ուժեղ կդարձնի»,-ասել է Ջոլին:

Հիշեցնենք, որ Ջոլին Փիթից ամուսնալուծվելու հայց է ներկայացրել 2016թ. սեպտեմբերին: Սկզբում նա երեխաների միանձնյա խանամակալություն է պահանջել, սակայն ավելի ուշ կարողացել է համաձայնության գալ Փիթի հետ: