Տղամարդը դուրս է վազել ինքնաթիռից և մերկացել թռիչքուղու վրա (տեսանյութ)
ՀԱՍԱՐԱԿՈՒԹՅՈՒՆՄոսկվա-Կազան չվերթի ուղևորը Դոմոդեդովոյում վիճաբանություն է սկսել ինքնաթիռում, այնուհետև դուրս է եկել թռիչքուղու վրա և մերկացել մինչև գոտկատեղը։ Միջադեպի տեսանյութը հրապարակել է Telegram-յան 112 ալիքը։
Ըստ ականատեսների՝ սկզբում տղամարդը սրահում սկսել է բարձր բղավել ու հայհոյել, ինչը նյարդայնացրել է ուղեւորներին։
Բորտուղեկցորդուհիների բազմաթիվ նկատողություններից հետո նա հանկարծ դուրս է վազել ինքնաթիռից, սկսել է հայհոյել օդանավակայանի աշխատակիցներին, ապա հանել հագուստը։
Ալիքի տվյալներով՝ արդյունքում օդանավը օդ է բարձրացել առանց տղամարդու, իսկ վերջինս բերման է ենթարկվել։
