«Դիլիջան» ազգային պարկի աշխատակիցներն անվտանգ վայր են տեղափոխել Դիլիջանում զբոսնող եղջերուներին
ՎԻԴԵՈ
Այսօր համացանցում տեսանյութ է հայտնվել, որտեղ երևում է, թե ինչպես են բնություն բաց թողնված Կովկասյան ազնվացեղ եղջերուները զբոսնում Դիլիջան քաղաքի բակերից մեկում։
ՇՄ նախարարությունը հայտնում է՝ «Դիլիջան» ազգային պարկի «Ազնվացեղ եղջերուների բազմացման կենտրոնի» աշխատակիցներն արագ արձագանքել են ահազանգին և տարածքից հեռացրել են կենդանիներին՝ տեղափոխելով նրանց առավել անվտանգ վայր։
«Խնդրում ենք հետագա նման միջադեպերի դեպքում անմիջապես ահազանգել «Դիլիջան» ազգային պարկ հետևյալ հեռախոսահամարներով՝ +374 268 27171, +374 268 27032։
Եղջերուների տեղաշարժը հսկվում է ռադիովզկապով։
Տեղեկացնենք, որ ազնվացեղ եղջերուին վնասելու դեպքում պետությանը պատճառված վնասը հաշվարկվելու է 15 մլն դրամ, ինչպես նաև սահմանված են պատասխանատվություն միջոցներ Քրեական օրենսգրքի 386-րդ հոդվածով (Ապօրինի որսը)»,- ասված է նախարարության Ֆեյսբուքի գրառման մեջ:
