Բուլղարիայում հայտարարել են Ադրբեջանից լրացուցիչ ծավալների գազ գնելու պատրաստակամության մասին

Բուլղարիայի նախագահ Ռումեն Ռադևը հայտարարել է, որ երկիրը պատրաստ է գնել ադրբեջանական գազի լրացուցիչ ծավալներ, քանի որ վառելիքի փոխադրման երկրի հնարավորություններն ամեն ամիս ավելանում են։ Այս մասին նա հայտարարել է ճեպազրույցում, փոխանցում է Интерфакс-ը։

«Մենք պատրաստ ենք ադրբեջանական գազի լրացուցիչ ծավալներ փոխադրել՝ համատեղելով Բուլղարիայի, Ռումինիայի, Հունգարիայի և Սլովակիայի գազափոխադրման օպերատորների հնարավորություններն ու ջանքերը։ Հիմա որոշումը ձերն է»,- ասել է նա։