ՆԱՏՕ-ի զորքերն Արկտիկայում վարժանքների ժամանակ բախվում են խնդիրների հետ․ Bloomberg

ՆԱՏՕ-ի զորքերը Արկտիկայում վարժանքների ժամանակ բախվում են կլիմայի փոփոխության հետ կապված խնդիրների հետ, ինչը կարող է ազդել այնտեղ զորքերի ունակության վրա: Այդ մասին գրում է Bloomberg-ը։

Նշվում է, որ ՆԱՏՕ-ի անդամ երկրները հետաքրքրված են Արկտիկայով՝ կապված ուկրաինական հակամարտության եւ տարածաշրջանում ռուսական ու չինական ուժերի հզորացման հետ։

Գործակալության տվյալներով՝ ԱՄՆ պաշտպանության նախարարության գլխավոր տեսուչը, ուսումնասիրելով արկտիկական և ենթարկտիկական շրջաններում ռազմակայանների պատրաստվածությունը, եզրակացրել է, որ անբավարար ջանքեր են գործադրվում կլիմայի փոփոխությանը հարմարվելու համար։

Ինչպես նշում է Bloomberg-ը, թռիչքուղիները դառնում են անօգտագործելի՝ սառույցի հալվելու պատճառով։ Նաև ուժեղ ձնաբքի պատճառով ռադարային կայանքները խափանում են։

Բացի այդ, ըստ զինվորականների, ջերմաստիճանի հանկարծակի փոփոխությունները ազդում են մարդկանց բարոյական վիճակի վրա։