Նիկոլ Փաշինյանը նոր որոշում է ստորագրել

ՀՀ վարչապետ Նիկոլ Փաշինյանի որոշմամբ ստեղծվել է Երևանում (2023-ի հոկտեմբերին - խմբ.) կայանալիք «Կանանց դերը ժողովրդավարության, խաղաղության և անվտանգության խթանման գործում» խորագրով միջազգային գագաթնաժողովի կազմակերպման աշխատանքները համակարգող միջգերատեսչական հանձնաժողով, հաստատվել դրա անհատական կազմը և աշխատակարգը։

Ինչպես տեղեկացանք ՀՀ էլեկտրոնային կառավարման կայքից, միջգերատեսչական հանձնաժողովի նախագահին (ՀՀ վարչապետի աշխատակազմի ղեկավար Արայիկ Հարությունյան) հանձնարարվել է յուրաքանչյուր ամիս Հայաստանի Հանրապետության վարչապետին ներկայացնել տեղեկատվություն՝ աշխատանքների կատարման ընթացքի վերաբերյալ: