Զելենսկին պատժամիջոցներ է սահմանել Բաշար Ասադի դեմ

Ուկրաինայի նախագահ Վլադիմիր Զելենսկին պատժամիջոցներ է սահմանել Սիրիայի նախագահ Բաշար Ասադի դեմ, հայտնում է ՈՒՆԻԱՆ-ը։

Զելենսկու հրամանագրում, որը հրապարակվել է Ուկրաինայի նախագահի գրասենյակի կայքում, նշվում է, որ Ասադի դեմ պատժամիջոցները կգործեն 10 տարի։ Դրանք ներառում են ակտիվների արգելափակում, եթե դրանք կան, եւ արգելում են ցանկացած առեւտրային գործունեություն եւ այլն:

Պատժամիջոցներ են սահմանվել նաեւ Սիրիայի 70-ամյա վարչապետ Հուսեյն Արնուսի եւ արտգործնախարար Ֆեյսալ ալ-Միկդադի նկատմամբ։ Ընդհանուր առմամբ, պատժամիջոցների ցուցակում կա 300 մարդ։ Նրանց թվում են երեք սիրիացի, ռուսաստանցիներ եւ Ղրիմից մեկ ուկրաինացի, որը նույնպես Ռուսաստանի քաղաքացիություն ունի։