Համացանցում հայտնվել Է Ռադայի պատգամավորների ծեծկռտուքի տեսագրությունը
ՄԻՋԱԶԳԱՅԻՆ
Արտախմբակցային պատգամավոր Վլադիմիր Պարասյուկը Գերագույն ռադայի լիագումար նիստի ժամանակ կռվի մեջ Է մտել «Ընդդիմադիր դաշինք» խմբակցության անդամ Դմիտրի Կոլեսնիկովի հետ: Միջադեպի տեսագրությունը հունիսի 15-ին հրապարակել Է «112 Ուկրաինա» հեռուստաալիքը, տեղեկացնում Է Արմենպրեսը:
Տուրուդմփոցը տեղի Է ունեցել, երբ Կոլեսնիկովը պահանջել Է ներկայացնել եւ ընդունել որոշում Լվովի քաղաքագլուխ Անդրեյ Սադովոյի վերընտրությունների մասին:Պատգամավորն իր ճառն արտասանել Է ռուսերեն: Պարասյուկը փորձել Է ուժով ընդհատել ելույթը, բայց նրան շրջապատել են «Ընդդիմադիր դաշինքի» մի քանի ներկայացուցիչներ եւ սկսել են խփել:
Արտախմբակցային պատգամավորը պաշտպանվել Է ձեռքերով, բայց ընդհարման ընթացքում պատռել են նրա հոնքը եւ ջարդել քիթը:
«ՌԻԱ Նովոստի Ուկրաինան» նշում Է, որ Ռադայի նիստին ներկա Էր Նիդեռանդների պատվիրակությունը:
