Միջուկային հակամարտության հավանականությունն ավելի մեծ է, քան վերջին տասնամյակներում․ ՌԴ ԱԳ փոխնախարար

ՌԴ ԱԳ փոխնախարար Սերգեյ Ռյաբկովը հայտարարել է, որ միջուկային հակամարտության հավանականությունն ավելի մեծ է, քան վերջին տասնամյակներում։ Այս մասին հայտնում է ՏԱՍՍ-ը։

«Ես չէի ցանկանա խորանալ այն քննարկման մեջ, թե մեծ է արդյոք միջուկային հակամարտության հավանականությունն այսօր, բայց ամեն դեպքում այն ավելի բարձր է, քան այն, ինչ մենք ունեցել ենք վերջին տասնամյակների ընթացքում, այսպես ասենք»,- հայտարարել է Ռյաբկովը։

Նա նշել է, որ Մոսկվան շարունակում է հավատարիմ մնալ այն դիրքորոշմանը, որ աշխարհը պետք է զերծ մնա միջուկային սպառնալիքից։

Նախօրեին ՌԴ պաշտպանության նախարար Սերգեյ Շոյգուն, մեկնաբանելով Մեծ Բրիտանիայի կողմից Ուկրաինային սպառված ուրանով զինամթերքի հնարավոր մատակարարումը, ասել էր, որ «եւս մեկ քայլ է կատարվել»։