Իրանում Ադրբեջանի հյուպատոսության դիմաց բողոքի ակցիա է անցկացվել

Իրանի Թավրիզ քաղաքում գտնվող Ադրբեջանի հյուպատոսության դիմաց բողոքի ակցիա է անցկացվել։ Ցուցարարները պահանջում էին փակել Իսրայելում Ադրբեջանի դեսպանատունը։

Ավելի վաղ հայտնել էինք, որ Իրանը մտահոգություն է հայտնել Ադրբեջանի և Իսրայելի ռազմավարական գործընկերության համատեղ ծրագրերի վերաբերյալ և բացատրություն է պահանջում Բաքվից։ Ի պատասխան՝ Ադրբեջանի ԱԳՆ-ն հայտարարել էր, թե Իրանից ավելի ու ավելի շատ սպառնալիքներ են տարածվում և ավելի շատ սադրանքներ են իրականացվում Ադրբեջանի դեմ: