Սաուդյան Արաբիան փոխել է իրավիճակը համաշխարհային էներգետիկ շուկայում «նավթային անակնկալի» միջոցով․ Bloomberg

Սաուդյան Արաբիան փոխել է իրավիճակը համաշխարհային էներգետիկ շուկայում՝ նավթի օրական արդյունահանումը օրական 500 հազար բարելով կրճատելու որոշմամբ։ ՕՊԵԿ+-ի մյուս անդամների, այդ թվում՝ Ռուսաստանի կողմից նմանատիպ միջոցառումների շնորհիվ, Brent տեսակի նավթի գները տեսանելի ապագայում կարող են մոտենալ 100 դոլարին՝ մեկ բարելի դիմաց, հայտնում է Bloomberg-ը։

Ապրիլի 2-ին ՕՊԵԿ+-ի մի քանի երկրներ, այդ թվում՝ Ռուսաստանը, հայտարարեցին, որ կկրճատեն նավթի արդյունահանումը մինչեւ տարեվերջ՝ համաշխարհային հումքի շուկայում անկանխատեսելիության պատճառով։ Մոսկվան հայտարարել է, որ կնվազեցնի արդյունահանումը օրական 500 հազար բարելով, նման որոշում է կայացրել Սաուդյան Արաբիան: Ընդհանուր առմամբ, հումքի օրական արդյունահանման ընդհանուր նվազումը կկազմի ավելի քան 1,5 մլն բարել։