Բելառուսի նախագահը ժամանել է Մոսկվա

Բելառուսի նախագահ Ալեքսանդր Լուկաշենկոն ժամանել է Մոսկվա, որտեղ կհանդիպի իր ռուս գործընկեր Վլադիմիր Պուտինի հետ: Այս մասին հայտնել է Բելառուսի նախագահի մամուլի ծառայությունը։

Բելառուսի նախագահը երկու օր կանցկացնի Մոսկվայում։ Երկկողմ հանդիպմանը նախագահները մտադիր են քննարկել ռուս-բելառուսական հարաբերությունների հարցերը, մասնավորապես ՝ ներմուծման փոխարինումը, համագործակցության խորացումը, բարձր տեխնոլոգիական ոլորտների զարգացումը, ինչպես նաեւ միջազգային իրադրությունն ու անվտանգության ապահովմանն ուղղված միջոցառումները:

Վաղը՝ ապրիլի 6-ին, Լուկաշենկոն կմասնակցի Բելառուսի եւ Ռուսաստանի Միութենական պետության բարձրագույն պետական խորհրդի նիստին, որի ընթացքում նախատեսվում է քննարկել Միութենական պետության ստեղծման մասին պայմանագրի եւ այլ ծրագրերի հիմնական դրույթների կատարումը։ Մեկ այլ առանցքային թեմա է Միութենական պետության անվտանգության հայեցակարգի մշակումը։ Բացի այդ, նիստում կամփոփվեն ընթացիկ գործունեության արդյունքները եւ կքննարկվի առաջիկա համատեղ աշխատանքը: