Ֆրանսիացի պատգամավորը խոսել է Ֆրանսիայի տարածքում ադրբեջանական ռեժիմի կողմից իրականացված հարձակումների մասին

Եվրախորհրդարանի ֆրանսիացի պատգամավոր Նատալի Լուազոն Ֆրանսիայի Սենատում տեղի ունեցած քննարկումների ժամանակ խոսել է Ֆրանսիայի տարածքում ադրբեջանական ռեժիմի կողմից իրականացված հարձակումների մասին։ Այս մասին ասել է ադրբեջանցի բլոգեր Միրզալի Մահամադը, ում Բաքվի հրահանգով երեք անգամ փորձել են սպանել։

«Միջազգային ուժեղ ներկայություն ունեցող երկրի տարածքում փոքր երկրի կողմից իր դեմ իրականացված ահաբեկչությունը պետք է դիտարկվի որպես ահաբեկչություն հենց Ֆրանսիայի դեմ։ Ես վստահ եմ, որ Ֆրանսիան աչք չի փակի դրա վրա»,- գրել է Մահամադը Twitter-ում: