ԻԻՀ բանակը պատրաստ է դիմակայել ցանկացած սպառնալիքի․ Իրանի ռազմածովային ուժերի հրամանատար
ՄԻՋԱԶԳԱՅԻՆ
Իրանի Իսլամական Հանրապետության ռազմածովային ուժերի հրամանատար Հաբիբոլլահ Սայարին ասել է, որ Իրանի զինված ուժերը, Սահմանադրության համաձայն, ունեն երեք կարևոր խնդիր՝ տարածքային ամբողջականության պահպանումը, անկախության պահպանումը և Իրանի Իսլամական Հանրապետության սրբազան իսլամական համակարգի պահպանումը։ Այս մասին հաղորդում է IRNA -ն։
Նրա խոսքով՝ ԻԻՀ բանակը պատրաստ է դիմակայել ցանկացած սպառնալիքի և չեզոքացնել երկրի սահմանների դեմ ուղղված ցանկացած սպառնալիք, թույլ չտալ, որ որևէ մեկը ոտնձգություն կատարի Իսլամական Իրանի գոյության դեմ:
«Մեծամասշտաբ զորավարժությունների ոլորտում մենք տարվա ընթացքում բազմաթիվ զորավարժություններ ենք անցկացնում, բայց մեր ամենամեծ զորավարժությունները «Զոլ-Ֆաքիր»-ն է՝ ամբողջ բանակով, որի ընթացքում գնահատում ենք ուժերի հնարավորությունները»,- ասել է նա։
«Այսօր մենք հայտարարում ենք, որ Իրանի Իսլամական Հանրապետության բանակը պատրաստ է դիմակայել ցանկացած սպառնալիքի և չեզոքացնել մեր սիրելի հայրենիքի սուրբ սահմանների դեմ ուղղված ցանկացած սպառնալիք և թույլ չտալ, որ որևէ մեկը ոտնձգություն կատարի Իսլամական Իրանի գոյության դեմ»,- հավելել է նա։
