Մանե Թանդիլյանը հստակ և հասցեական է փաստում փաշինյանական վարչախմբի լրջագույն պատասխանատվությունը

Ադրբեջանական վերջին ագրեսիան պաշտպանական ոլորտի պատասխանատուների անգործության հետևանքն է։ «Ապրելու երկիր» կուսակցության նախագահ Մանե Թանդիլյանն է արել այս արձանագրումը՝ անդրադառնալով Տեղ գյուղում տեղի ունեցող իրադարձություններին։

«Կրկին ականատես եղանք մեր զինվորների նվիարական գործողություններին, նրանցից մի քանիսը իրենց կյանքը տվեցին հայրենիքի պաշտպանության համար»,- փաստում է Մանե Թանդիլյանը՝ հավելելով, թե այս միջադեպը կարող էր տեղի չունենալ, եթե պաշտպանական գերատեսչության ղեկավարություն այս հատվածում ինժեներական աշխատանքները կատարեր ժամանակին։

Ըստ Թանդիլյանի՝ առնվազն անցած տարվա օգոստոսից հայտնի էր, որ Հայաստան-Արցախը Հայաստանին կապող ճանապարհի հետ հատվածի փոխարեն ճանապարհն անցնելու են Կոռնիձոր գյուղի հատվածով, իսկ Տեղ գյուղի հատվածում տեղի են ունենալու սահմանի փոփոխություն։ Արդյունքում ինժեներական աշխատանքները փաստացի իրականացվում էին երեկ, ադրբեջանական զինուժի տեղակայումից 2 շաբաթ անց։

«Ոչ կոմպետենտ և անպատասխանատու կառավարումը հանգեցնում է մարդկային անդառնալի կորուստների, տարածքների զիջման, անվտանգության համակարգի խոցելիությամբ»,- նշում է «Ապրելու երկիր» կուսակցության նախագահը։

Այն, որ Տեղ գյուղում տեղի ունեցած ադրբեջանական սադրանքի և դրա հետևանքների միակ պատասխանատուն Հայաստանի իշխանությունն է, միայն «Ապրելու երկիրը» չէ, որ արձանագրում է, սակայն Մանե Թանդիլյանը հստակ և հասցեական է փաստում փաշինյանական վարչախմբի լրջագույն պատասխանատվությունը, որը պետք է նաև քրեաիրավական լուրջ հետևանքներ ունենա, մինչդեռ գործող իշխանությունները ամեն ինչ անում են ՝ մեղքը իրենց վրայից շպրտելու և կրկին զինվորականության վրա բարդելու համար։

Աննա Նադոյան