ՌԴ դեսպան Սերգեյ Կոպիրկինն այցելել է ԿԸՀ

Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինն ու դեսպանատան ավագ խորհրդական Դմիտրրիյ Կազմինը ապրիլի 17-ին հյուրընկալվել են Հայաստանի Հանրապետության Կենտրոնական ընտրական հանձնաժողովում։ Այս մասին տեղեկացնում է ԿԸՀ մամուլի ծառայությունը:

Սա դեսպանի առաջին այցն է ԿԸՀ նոր կազմի ձևավորումից հետո։ Դեսպան Կոպիրկինը շնորհավորել է ԿԸՀ նախագահ Վահագն Հովակիմյանին, ապա հյուրերը քննարկել են Հայաստանի ու Ռուսաստանի կենտրոնական ընտրական հանձնաժողովների միջև հետագա համագործակցության հարցեր։