«Մի օր կկարողանան իրենց գլխավերևում տեսնել Ադրբեջանի դրոշը»․ Ալիև շարունակում է սպառնալ

Ադրբեջանի նախագահ Իլհամ Ալիեւը, անդրադառնալով Երեւանում ծանրամարտի Եվրոպայի առաջնության բացման արարողության ժամանակ ադրբեջանական դրոշի այրման հետ կապված միջադեպին, հայտարարել է, թե «Հայաստանի ղեկավարությանը չպետք է մոռանա, որ Ադրբեջանի դրոշն այսօր ծածանվում է Արցախի բազմաթիվ գյուղերում, ինչպես նաև Զանգեզուրի լեռներում», News.ru-ի փոխանցմամբ՝ հայտնում է «Ինտերֆաքս-Ադրբեջանը»։ 

Նրա խոսքով՝ «Երեւանը պետք է «լավ մտածի» իրենց գործողությունների հետեւանքների մասին»։

«Մի օր նրանք կբացեն իրենց աչքերը և կկարողանան իրենց գլխավերևում տեսնել Ադրբեջանի դրոշը»,- սպառնացել է Ալիևը։