Ձորաղբյուր գյուղում տրակտոր է այրվել

Ապրիլի 21-ին, ժամը 04:24-ին Կոտայքի մարզային ճգնաժամային կառավարման կենտրոն ահազանգ է ստացվել, որ Ձորաղբյուր գյուղում՝ «Այա Մարիա» առողջարանի մոտակայքում, այրվում է տրակտոր:

ՆԳՆ փրկարար ծառայությունից NEWS.am-ին հայտնում են, որ դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 04:51-ին, մարվել՝ 04:56-ին: Ազատության փողոցի տներից մեկի բակում այրվել է «JCB» մակնիշի տրակտոր: