Ուկրաինան սպառազինությունների անբավարարության պատճառով հետաձգել է հարձակումն սկսելու օրը. պատգամավոր

Ուկրաինան մտադիր էր հարձակում սկսել ապրիլին, բայց սպառազինությունների անբավարարության պատճառով հետաձգել է հարձակումն անորոշ ժամանակով։ Այս մասին «Foreign Policy»-ի հարցազրույցում ասել է Գերագույն ռադայում «Գոլոս» խմբակցության ղեկավար Ալեքսանդրա Ուստինովան։

«ԱՄՆ-ի ռազմական օգնությունը փշրանքներով է գալիս, իսկ Բայդենի վարչակազմի ֆինանսավորումը մոտենում է ավարտին»,- նշել է պատգամավորը։

«Մենք՝ որպես զինվորականներ, ցանկանում ենք ստանալ զենք հիմա, բայց ներկա իրավիճակում դա անհնար է։ Ինքնաթիռները, իհարկե, պետք են, բայց դա առաջիկա ամիսների հարց չէ»,- ասել է նաեւ անանուն ուկրաինական աղբյուրը։