Շուշիի շրջանում ականի պայթյունի հետևանքով 3 ադրբեջանցի զինծառայող է վիրավորվել. Ադրբեջանի ՊՆ

Ադրբեջանի պաշտպանության նախարարությունը հայտարարել է, թե իբր ականի պայթյունի հետեւանքով երեք ադրբեջանցի զինծառայող է վիրավորվել։

Ըստ հաղորդագրության՝ դեպքը տեղի է ունեցել ժամը 17:00-ի սահմաններում Ադրբեջանի կողմից օկուպացված Շուշիի շրջանում։ Նշվում է, թե ականի վրա պայթել է Ադրբեջանի ԶՈւ ռազմական բեռնատարը։

«Վիրավոր զինծառայողներին արդեն օգնություն է ցուցաբերվել։

Միջադեպի մասին տեղեկացվել է ռուսական խաղաղապահ զորախմբի հրամանատարությունը և թուրք-ռուսական միացյալ մոնիտորինգի կենտրոնը»,- նշել են նախարարությունից։

Ադրբեջանին ՊՆ-ն «տեղի ունեցածի» համար մեղադրել է հայկական կողմին