Կանադայի ԱԳՆ-ն կոչ է արել Ադրբեջանին բացել Լաչինի միջանցքը

Կանադայի ԱԳՆ-ն հայտարարությամբ կոչ է արել Բաքվին բացել Լաչինի միջանցքը։

«Կանադան խորապես մտահոգված է Լաչինի միջանցքում Ադրբեջանի կողմից հսկիչ-անցագրային կետի տեղադրմամբ։

Այս գործողությունն ակնհայտորեն խաթարում է տարածաշրջանում խաղաղ գործընթացն ու կայունությունը։

Մենք կոչ ենք անում Ադրբեջանի իշխանություններին վերաբացել Լաչինի միջանցքը։ Այն պետք է լինի անարգել ազատ տեղաշարժն ապահովելու համար։ 

Կանադան կոչ է անում երկու կողմերին վերսկսել բանակցությունները և զերծ մնալ սահմանին հետագա էսկալացիայից կամ թշնամական գործողություններից», - ասված է հայտարարության մեջ։