ԱՄՆ-Ռուսաստան հարաբերությունները գտնվում են ամենացածր կետերից մեկում․ Լին Թրեյսի
ՔԱՂԱՔԱԿԱՆՈՒԹՅՈՒՆ
Մոսկվայում ԱՄՆ դեսպան Լին Թրեյսին «Կոմերսանտ» թերթին տված հարցազրույցում ասել է, որ ԱՄՆ-ի և Ռուսաստանի հարաբերությունները գտնվում են ամենացածր կետերից մեկում։
«Ես համաձայն եմ, որ մեր հարաբերությունները գտնվում են ամենացածր կետերից մեկում, որը կարելի է երկար ժամանակ հիշել», - ասել է նա:
Դիվանագետը նաև մատնանշել է, որ ԱՄՆ-ն այլ կերպ է պատկերացնում այն հանգամանքները, որոնք հանգեցրել են ռուս-ամերիկյան հարաբերությունների այս վիճակին։
Նրա խոսքով՝ դրա պատճառների թվում են՝ Ռուսաստանի Դաշնության կողմից Ուկրաինայում 2014թ. իրավիճակի «սխալ մեկնաբանումը»։ Նա կարծում է, որ Ռուսաստանը «կրկին սխալ է մեկնաբանել դա 2022 թվականին» և իբր շարունակում է դա անել։
