ՀԱՊԿ-ի զորքերը պետք է պատրաստ լինեն արձագանքելու ցանկացած մարտահրավերի․ Սիդորով

ՀԱՊԿ-ի զորքերը պետք է պատրաստ լինեն արձագանքելու ցանկացած մարտահրավերի՝ սա բոլորի համար անվտանգության երաշխիք կլինի, ասել է կազմակերպության միասնական շտաբի ղեկավար Անատոլի Սիդորովը։

Այսպես է նա պատասխանել RT-ի հարցին, թե ինչպիսի դերակատարություն կունենա ՀԱՊԿ-ն ուկրաինական ճգնաժամի պատճառով Ռուսաստանի և ՆԱՏՕ-ի միջև էսկալացիայի ֆոնին։

«Իմ կարծիքով, այսօր բոլորի, այդ թվում՝ տարրական դասարանների աշակերտների, համար պարզ է, որ ոչ միայն կայունությունն այս տարածաշրջանում, այլ ընդհանրապես Ռուսաստանի գոյությունը և նրա հետագա կյանքը, բարգավաճումը և շատ ու շատ համաշխարհային գործընթացները կախված են (Ուկրաինայում հատուկ ռազմական գործեղությունների) հաջողությունից»,- հավելել է նա։