ԱՄՆ-ն ուսումնասիրում է հետախուզական տվյալները՝ պարզելու Կրեմլի վրա անօդաչու թռչող սարքի հարձակման փորձը

ԱՄՆ ղեկավարության վերլուծաբաններն ուսումնասիրում են հետախուզական տվյալները, ներառյալ արբանյակային պատկերները և գաղտնալսված տվյալները՝ հասկանալու համար Կրեմլի վրա անօդաչու թռչող սարքի հարձակման փորձի հետ կապված իրավիճակը: РИА Новости-ի փոխանցմամբ՝ այս մասին հայտնում է CNN-ը՝ հղում անելով իր աղբյուրներին։

Ավելի վաղ Կրեմլի մամուլի ծառայությունը հայտնել էր, որ չորեքշաբթի գիշերը «Կիևի ռեժիմը անօդաչու թռչող սարքով փորձել է հարվածել ՌԴ նախագահ Վլադիմիր Պուտինի Կրեմլի նստավայրին, երկու սարք շարքից դուրս է եկել»։ Արդյունքում զոհեր և նյութական վնասներ չկան։

«Միացյալ Նահանգների պաշտոնյաները ռուս կամ ուկրաինացի դեմքերի կողմից գիշերը որևէ ոչ մի նախանշան չեն տեսել,  որ հարձակում է ծրագրվում... բարձրաստիճան վերլուծաբանները ուսումնասիրում են հետախուզական տվյալները, ներառյալ գաղտնալսումները և արբանյակային պատկերները, որպեսզի տեսնեն, թե ինչ կարող էր տեղի ունենալ», - ասվում է հեռուստաալիքի պատմության մեջ: