Մայիսի 9-ին ընդառաջ՝ Ստեփանակերտում մաքրման աշխատանքներ են իրականացվել

Մայիսի 9-ին ընդառաջ՝ այսօր առավոտյան Ստեփանակերտի տարբեր հատվածներում մաքրման աշխատանքներ էին ընթանում: Այդ մասին հայտնում են Ստեփանակերտի քաղաքապետարանից։

Քաղաքային իշխանության նախաձեռնության իրականացմանը ներգրավված էին համայնքային ընկերությունների աշխատակիցներ, երիտասարդներ ու դպրոցականներ: Նրանց համատեղ ջանքերի շնորհիվ բարեկարգ տեսք են ստացել Ստեփանակերտի եղբայրական գերեզմանոցի, ազգային ու Խորհրդային Միության հերոսների հուշարձանների շրջակա տարածքները:

Անհրաժեշտության դեպքում արձանները մաքրվել են, դրանց շրջակայքը՝ կանաչապատվել: