Իրանի բանակային ավիացիան Արեւմտյան Ասիայի ամենահզոր ուղղաթիռային լրակազմն ունի. գեներալ Ղորբանի

Իրանի բանակային ավիացիայի հրամանատար, բրիգադի գեներալ Յուսեֆ Ղորբանին հայտարարել է, որ իր ստորաբաժանումն ունի ամենահզոր ուղղաթիռային լրակազմն Արեւմտյան Ասիայում, տեղեկացրել է Mehr-ը։

«Եթե այսօր ավիացիան՝ ուղղաթիռային լրակազմով, ամենահզորն է Արեւմտյան Ասիայում, եւ Իրանի Իսլամական Հանրապետությունն ուժեղ է աշխարհում ու անհանգստացնում է սիոնիստներին, ապա դա նահատակների արյան շնորհիվ է»,- ասել է Ղորբանին։

Նա նաեւ նշել է, որ Իրանը ներկայում ի վիճակի է խափանելու «այսպես կոչված գերտերությունների ռազմական հավասարումները՝ ավելացնելով, որ թշնամին ամեն պահի  մտածում է ոչնչացնել իսլամական իսթեբլիշմենթը, բայց նրանց բոլոր դավադրությունները խափանված են»։

Ղորբանին ավելացրել է, որ իրանական ուղղաթիռների վրա տեղադրված են աշխարհի ամենաժամանակակից սարքավորումները, այդ թվում տեղական արտադրության գիշերային տեսանելիության համակարգեր։