Եվրոպայի օրը Եվրահանձնաժողովի ղեկավարը կայցելի Կիեւ

Ուրսուլա ֆոն դեր Լյայենը Եվրոպայի օրը կայցելի Կիեւ եւ կհանդիպի Վլադիմիր Զելենսկու հետ։ Նրա այցի նպատակը ուկրաինացիներին Եվրամիությանն աջակցությունը ցուցադրելն է:

Մայիսի 9-ին, երբ Եվրամիությունում նշվում է Եվրոպայի օրը, Եվրահանձնաժողովի ղեկավար Ուրսուլա ֆոն դեր Լյայենը պաշտոնական այցով կմեկնի Կիեւ, հայտնում է Եվրահանձնաժողովի մամուլի ծառայությունը։ Այնտեղ նա կհանդիպի Ուկրաինայի նախագահ Վլադիմիր Զելենսկու հետ։ «Նախագահը մեկնում է Ուկրաինա՝ հաստատելու մեր աջակցությունն այս երկրին Ռուսաստանի դեմ նրա պաշտպանության գործում։ Նրա այցի հիմնական թեման ԵՄ-ի եւ Ուկրաինայի համագործակցությունն է»,- երկուշաբթի՝ մայիսի 8-ին, Բրյուսելում կայացած ճեպազրույցում ասել է Եվրահանձնաժողովի պաշտոնական ներկայացուցիչ Էրիկ Մամերը։

Նա հավելել է, որ այցը նվիրված կլինի Եվրամիության եւ Ուկրաինայի հարաբերությունների բոլոր ասպեկտներին, այդ թվում՝ ԵՄ-ին նրա անդամակցության գործընթացին։ Անվտանգության նկատառումներից ելնելով, Բրյուսելը չի ​​բացահայտում ֆոն դեր Լյայենի այցի մանրամասները, ինչպես Ուկրաինա կատարած նախորդ այցելություններին։

Բացի այդ, Եվրահանձնաժողովը ողջունել է Զելենսկու հայտարարությունը, որ մայիսի 9-ը Ուկրաինայում կլինի Եվրոպայի օր։