Չավուշօղլուն և Լավրովը քննարկել են Հայաստան-Ադրբեջան հարաբերությունների կարգավորման հարցերը

Թուրքիայի արտգործնախարար Մևլութ Չավուշօղլուն հայտնել է, որ ի թիվս այլ հարցերի, Մոսկվայում կայացած հանդիպման ժամանակ ՌԴ ԱԳ նախարար Սերգեյ Լավրովի հետ քննարկվել է Կովկասում տեղի ունեցող վերջին իրադարձություններն ու Հայաստանի ու Ադրբեջանի միջև հարաբերությունների կարգավորման հարցերը։ 

Հիշեցնենք՝ Չավուշօղլուն այս օրերին գտնվում էր Ռուսաստանում՝ մասնակցելու Մոսկվայում կայանալիք Ռուսաստանի, Իրանի, Սիրիայի և Թուրքիայի քառակողմ հանդիպմանը։ Հանդիպումից հետո Թուրքիայի ԱԳ նախարարը հայտնել էր նաև, որ պլանավորում է երկկողմ հանդիպում ունենալ Ռուսաստանի արտգործնախարար Սերգեյ Լավրովի հետ։