Նավթի համաշխարհային գինը բարձրանում է

Նավթի համաշխարհային գինն ուրբաթ առավոտյան բարձրանում է եւ կարող է հինգ շաբաթվա ընթացքում առաջին անգամ շաբաթն ավարտել ավելի քան 3 տոկոս աճով, վկայում են աճուրդների տվյալները։

Brent մակնիշի նավթի հուլիսյան ֆյուչերսների գինը բարձրացել է 0,75 տոկոսով՝ մեկ բարելը 76,43 դոլար, WTI-ի հունիսյան ֆյուչերսներինը՝ 0,70 տոկոսով՝ 72,36 դոլար։ Այսպիսով, շաբաթվա սկզբից այդ աճը ներկա պահին կազմել է 3,03 եւ 3,27 տոկոս համապատասխանաբար։