Զոհված զինծառայողի մայրը հրաժարվել է դադարեցնել հացադուլը․ իրավապաշտպան

44-օրյա պատերազմում զոհված Ժորա Մարտիրոսյանի մայրիկը՝ Գայանե Մարտիրոսյանը, հրաժարվել է դադարեցնել հացադուլը: Այս մասին ֆեյսբուքյան իր էջում գրել է իրավապաշտպան Ռուբեն Մելիքյանը։

«Քիչ առաջ Ձերբակալվածների պահման վայրում տեսակցեցի տիկին Գայանեին։ Ցավոք, նա հրաժարվեց դադարեցնել հացադուլը։

Ինքնազգացողությունը բավարար է։

Սպասում ենք դատարանի որոշմանը, որը կհրապարակվի վաղը՝ ժամը 15:00-ին։

Այս պահին տիկին Գայանեին այցելում են ԱԺ պատգամավորներ Արեգնազ Մանուկյանը, Ագնեսա Խամոյանն ու Քրիստինե Վարդանյանը»,- նշել է նա։