Մինսկը պատրաստ է հարթակ դառնալ Ուկրաինայի հարցով բանակցությունների համար․ Բելառուսի ԱԽ պետքարտուղար

Բելառուսի Անվտանգության խորհրդի պետքարտուղար Ալեքսանդր Վոլֆովիչը հայտարարել է, որ Մինսկը, ինչպես եւ անցյալ տարի, պատրաստ է իր հարթակը տրամադրել Ուկրաինայի հարցով բանակցությունների համար։ Այս մասին հայտնում է ՏԱՍՍ-ը։

«Բելառուսն անում է եւ պատրաստ է անել անհրաժեշտ ամեն ինչ խաղաղ կարգավորման համար։ Հիշեցնեմ՝ անցյալ տարի Բելառուսի տարածքում բանակցությունների երեք փուլ է անցկացվել [Ուկրաինայի վերաբերյալ]։ Մենք պատրաստ ենք վերսկսել այս պրակտիկան եւ ապահովել դրա համար անհրաժեշտ ամեն ինչ»,- ասել է նա։