Նիկոլն ամեն բան «ճիշտ է» անում, եթե դիտարկենք իր տեսանկյունից. Ռուբեն Մխիթարյան
ՔԱՂԱՔԱԿԱՆՈՒԹՅՈՒՆ
Ռուբեն Մխիթարյանն իր ֆեյբուքյան էջում գրում է.
Նիկոլը ամեն բան «ճիշտ է» անում, եթե դիտարկենք իր տեսանկյունից: Նա գիտակցաբար անլրջացնում է պրոցեսը, որպեսզի իր էլեկտորատին վստահություն ներշնչի, որ տիրապետում է իրավիճակին, դրա համար էլ դաշտ է նետում «կադաստրի թղթերի, ցրտադիմացկուն կովերի» կամ այլ ոչ էական, զավեշտալի և «խնդալու» թեմաներ, որ հանդիսատեսին զվարճացնի: Նա դա անում էր թե որպես պատգամավոր իր «ցմփերով», ստերով ու կեղծիքով, նա դա անում է նաև վերջին 5 տարին: Երբ դու անլրջացնում ես օրհասական պահը, դու դառնում ես անեսթեզիոլոգ, որը ցավոտ և գուցե մահացու վիրահատությունից առաջ մի 2 ծիծաղելի բան է պատմում հիվանդին ու նոր դոզան տալիս:
Նա նաև շատ լավ տիրապետում է վերնագրային ձևակերպումներին, այդ իսկ պատճառով էլ արդեն ամբիոնին մոտենալուց հստակ ռեպլիկների հաշվարկ ունի:
Նա գիժ չէ: Նա անմեղսունակ չէ: Նա շատ լավ հասկանում է թե ինչ է անում:
