Կաթի զանգվածային հյուրասիրություն Երեւանում. «Երեմյան Փրոդաքթսի» անակնկալը երեխաներին եւ որակյալ կաթ նախընտրողներին

Կաթի համաշխարհային օրվան ընդառաջ մայիսի 27-ին Հայաստանում առաջին անգամ տեղի ունեցավ կաթի հյուրասիրություն։

«Երեմյան Փրոդաքթսի» կազմակերպած «ՇԱ՜Տ ԿԱԹԸ ՇԱ՜Տ ՍԵՐ Է» կարգախոսով միջոցառումն անցկացվեց Seasons այգում։

Միջոցառման նպատակն էր  նպաստել  մեր առօրյա սննդակարգի կարևորագույն մաս կազմող մթերքի՝ կաթի օգտագործման նոր մշակույթի ձևավորմանն ու տարածմանը, կաթնամթերքի օգտակարության հանրայնացմանը։ Ընկերությունն  այս քայլով խթանում է առողջ և սննդարար կաթի օգտագործումը՝ անօգտակար ըմպելիքների փոխարեն։  

«Այս միջոցառումը կազմակերպել ենք Հայաստանում կաթի եւ կաթնամթերքի սպառման նոր մշակույթ ձեւավորելու՝ մեր կազմակերպության տեսլականի համատեքստում։ Հունիսի 1-ին նշվող Կաթի համաշխարհային օրվան ընդառաջ սա նաեւ յուրահատուկ մեսիջ է մեր հայրենակիցներին, թե որքան կարեւոր է կաթ խմելը»,-ասում է «Երեմյան Փրոդաքթսի» մարկեթինգի ղեկավար Ավետիք Սիմոնյանը։

Միջոցառումն աննախադեպ էր նրանով, որ «Երեմյան Փրոդաքթսի» Վայոց Ձորի ֆերման ևս եկել էր Երևան՝ կովիկների ու հորթուկների հետ միասին։ Այգում ներկայացված էր նաև գյուղտեխնիկան և կաթ տեղափոխող մեքենան։  Սա միջոցառման ամենահետաքրքրական և գրավիչ հատվածն էր թե՛ մեծերի, թե՛ փոքրերի համար։

«Երեմյան Փրոդաքթսում» ասում են՝ միջոցառման կարգախոս է ընտրվել «ՇԱ՜Տ ԿԱԹԸ ՇԱ՜Տ ՍԵՐ»–ը, քանի որ  իրենց ապրանքանիշի աշխատանքի կոնցեպտի հիմքը սերն է՝  յուրաքանչյուր արտադրանք ամբողջ թիմի սիրո և  նվիրումի արդյունքն է, այն արտադրված է սիրով և ընկերությունն էլ այդ սերն ուզում է տարածել։

Միջոցառումը սիրո մասին էր, որի  հատուկ հյուրն էր Hayat Project-ը՝ իր ամենաուրախ և գեղեցիկ  սիրո երգերով։

«Երեմյան Փրոդաքթս»-ում բարձրակարգ կաթնամթերքը ստանում են «Սերմից սեղան» բանաձեւով։ Անասնակերի աճեցումից մինչեւ կաթի շշալցում՝ արտադրական ամբողջ շղթան կառավարում է ընկերությունը։ Այդ շղթայի կարեւորագույն օղակը Եվրոպայից ներկրված մաքրացեղ տոհմային բարձրարժեք գենետիկայով կաթնատու կովերն են։

«Բարձր գենետիկայով մաքրացեղ կենդանիներ են՝ հոլշտեյն ցեղի,-ասում է «Երեմյան Փրոդաքթս»–ի գյուղատնտեսական նախագծերի ղեկավար Արծրուն Խաչատրյանը։ Նրա խոսքով՝ ընկերության ֆերմայում ստացվող կաթի բարձր որակն ապահովվող բաղադրիչներից է նաեւ որակյալ անասնակերը. «Սիլոսի եւ սենաժի պահեստավորման շնորհիվ կարողանում ենք ամբողջ տարվա ընթացքում միանման կեր տալ, ինչն էլ հնարավորություն է տալիս տարվա բոլոր եղանակներին նույն որակի եւ քանակի կաթ ստանալ»։

Նախատեսվում էր, որ կաթի զանգվածային հյուրասիրության շրջանակում ընկերության ֆերմայի վիտամիններով հարուստ, թարմ, առողջ ու բնական արտադրանքը ճաշակելու հնարավորություն կունենա ավելի քան 3000 մարդ, սակայն մեծ պահանջակով պայմանավորված մինչեւ միջոցառման ավարտը հյուրասիրվեց մոտ 5000 բաժակ կաթ։ Սա ընդամենը 1000-ով է պակաս Գինեսի գրքում գրանցված Կոստա Ռիկայի ռեկորդից, որն էլ ընկերությունը հույս ունի գերազանցել հաջորդ տարվա միջոցառմանը։