ԱԳ փոխնախարարը կարեւորել է Լաչինի միջանցք միջազգային փաստահավաք առաքելության գործուղումը

ԱԳ նախարարի տեղակալ Պարույր Հովհաննիսյանը մայիսի 31-ին ընդունել է ԵԽԽՎ իռլանդացի պատգամավոր Փոլ Գավանին, ով «Լաչինի միջանցքի շրջափակման հումանիտար հետեւանքների հասցեագրումը» թեմայով զեկույցի նախապատրաստման նպատակով փաստահավաք առաքելությամբ գտնվում է Հայաստանում:

Արտաքին գործերի նախարարությունից NEWS.am-ին հայտնում են, որ կարեւորվել է Լեռնային Ղարաբաղում ստեղծված իրավիճակի հետեւանքով մարդու իրավունքների խախտումներն արձանագրող զեկույցը եւ այդ համատեքստում Լաչինի միջանցք միջազգային փաստահավաք առաքելության գործուղումը: