Ռուսաստանում անօդաչուները հարձակվել են էներգետիկ օբյեկտների վրա

Երկու անօդաչու թռչող սարքեր հարձակվել են ՌԴ Սմոլենսկի մարզի էներգետիկ օբյեկտների վրա, իր թելեգրամյան ալիքում հայտնել է նահանգապետի պաշտոնակատար Վասիլի Անոխինը։

«Այսօր, ժամը մոտ 3-ին, Պոչինկովսկի շրջանի Պերեսնա գյուղում և Սմոլենսկի շրջանի Դիվասի գյուղում երկու հեռահար անօդաչու թռչող սարքեր հարձակվել են վառելիքաէներգետիկ համալիրի օբյեկտների վրա»,- ասվում է հրապարակման մեջ։

Անոխինը նշել է, որ ոչ ոք չի տուժել, հարձակումները հրդեհների չեն հանգեցրել, օբյեկտները կրիտիկական վնասներ չեն կրել։Շտապ օգնության ծառայությունները տեղում են։

Սմոլենսկի շրջանի իշխանությունները մայիսի սկզբին արգելք են դրել անօդաչու թռչող սարքերի թռիչքների համար։