Հայաստանի շրջակա միջավայրի նախարարությանը 2022թ. հատկացվել է 8,5 մլրդ դրամ

Հայաստանի շրջակա միջավայրի նախարարությունը 2022թ. պետք է իրականացներ 6 ծրագիր՝ 35 միջոցառմամբ։ Այդ նպատակների համար կառավարությունը սկզբնապես նախատեսել էր հատկացնել 6,7 մլրդ դրամ։ Այս մասին Ազգային ժողովում, խորհրդարանական մշտական հանձնաժողովների համատեղ նիստում, 2022թ. պետական բյուջեի կատարողականի վերաբերյալ հաշվետվության քննարկման ժամանակ, հունիսի 6-ին ասել է հանրապետության ֆինանսների նախարար Վահե Հովհաննիսյանը։

Սակայն պետական բյուջեի վերանայումից հետո այդ գումարն ավելացվել է՝ հասցվելով 8,5 մլրդ դրամի։ Դրանցից իրացվել է 7,2 մլրդ դրամը։ Փաստացի իրացումը կազմել է 85 տոկոս»,- տեղեկացրել է Հովհաննիսյանը։