Փառք Աստծո, Սյունիքի մարզից արտագաղթ չկա. Սյունիքը շատ լավ օրինակ ցույց տվեց. մարզպետ
ՔԱՂԱՔԱԿԱՆՈՒԹՅՈՒՆՓառք Աստծո, Սյունիքի մարզից արտագաղթ չկա: Այս մասին այսօր՝ հունիսի 6-ին, ԱԺ-ում լրագրողների հետ զրույցում ասաց Սյունիքի մարզպետ Ռոբերտ Ղուկասյանը։
«Բոլորն ապրում են իրենց տներում, բոլորը պետք է ապրեն իրենց տներում եւ ես շնորհակալ եմ Սյունիքի բնակչությանը, որ այդ ամբողջը շատ լավ գիտակցում են, որ դա իրենց տունն է, իրենց հայրենիքն է, իրենք պետք է մնան, ծաղկեցնեն ու զարգացնեն»,-ասաց նա:
Մարզպետը նկատեց, որ Սյունիքը շատ ծանր փուլ է անցել, եւ շատ կարեւոր էր բնակչության եւ բարոյահոգեբանական վիճակը, եւ ձեռք ձեռքի բռնելը. «Այս իմաստով, Սյունիքը շատ լավ օրինակ ցույց տվեց: Անկախ ամեն ինչից կա նաեւ վերքաղաքական բան՝ լինել միասնական, ամուր եւ թույլ չտալ, որ մենք մեր թշնամիներին առիթ տանք եւս մեկ անգամ մեզ թիրախավորելու եւ իրենց նպատակին հասնելու»,- ընդգծեց Ռոբերտ Ղուկասյանը:
