Բայրամովը եւ Աբդոլահիանը քննարկել են Բաքվի եւ Թեհրանի միջեւ խնդիրները

Ադրբեջանի եւ Իրանի արտաքին գործերի նախարարներ Ջեյհուն Բայրամովը եւ Հոսեյն Ամիր Աբդոլահիանը հեռախոսազրույց են ունեցել։ Այս մասին տեղեկացրել են ադրբեջանական ԶԼՄ-ները՝ հղում կատարելով ԱԳՆ մամուլի ծառայությանը։

Տեղեկության համաձայն՝ Ջեյհուն Բայրամովը եւ Հոսեյն Ամիր Աբդոլահիանը քննարկել են Ադրբեջանի եւ Իրանի միջեւ հարաբերությունների ընթացիկ վիճակը, գոյություն ունեցող որոշ խնդիրներն ու դրանց լուծման հարցերը։

Նախարարները պայմանավորվել են շարունակել բանակցությունները եւ շփումները երկու երկրների համապատասխան կառույցների միջեւ։ Հեռախոսազրույցի ընթացքում տեղի է ունեցել կարծիքների փոխանակում տարածաշրջանային մի շարք հարցերի վերաբերյալ։