Չաուշի փողոցի վթարի հետեւանքով հոստպիտալացվել է 4 քաղաքացի․ նրանց վիճակը միջին ծանրության է

Գեւորգ Չաուշի փողոցի վրա տեղի ունեցած վթարի հետեւանքով հոստպիտալացվել է 4 քաղաքացի նրանց վիճակը միջին ծանրության է։ Այս մասին NEWS.am-ը տեղեկանում է Առողջապահության նախարարությունից։

Արմենիա բժշկական կենտրոն է տեղափոխվել 7 պացիենտ, որոնցից 3-ը` օտարազգի, ամբուլատոր բուժում է ստացել եւ դուրս գրվել: Տուժածներից 4-ը հոսպիտալացվել է, 1-ը գտնվում է վերակենդանացման բաժանմունքում, 2-ը` նյարդավիրաբուժական, 1 հոգի` տրավմատոլոգիայի բաժանմունքում:

Հիշեցնենք, որ այսօր՝ հունիսի 13-ին, ժամը 06:50-ի սահմաններում Mercedes Sprinter մակնիշի ավտոմեքենան Գեւորգ Չաուշի փողոցում բախվել է վերամբարձ կռունկին, առաջ ընթացել եւ մխրճվել մեկ այլ՝ կայանված վիճակում գտնվող, վերամբարձ կռունկի մեջ: