Մայր բուհն ուսանողական վրանային ճամբար կկազմակերպի

Արցախի պետական համալսարանը Ասկերանի շրջանի Պատարա գյուղի վարչական տարածքում հուլիսի 15-25-ը կկազմակերպի ուսանողական ամառային վրանային 10-օրյա ճամբար։

Այս մասին «Արցախպրես»-ին տեղեկացրեց ԱրՊՀ Լրատվության և հանրային կապերի բաժնի պետ Զարինե Սառաջյանը:

«Ճամբարի մասնակիցները հնարավորություն կունենան Պատարայի գեղատեսիլ բնության գրկում վայելելու իրենց ամառային հանգիստը, ինչպես նաև մասնակցելու պաշտոնական հանդիպումների, հրատապ թեմաներով դասախոսությունների, բանավեճերի, քննարկումների, ճանաչողական արշավների, էքսկուրսիաների, մարզական ու մշակութային ծրագրերի»,-մանրամասնել է Զ. Սառաջյանը։

Նրա տեղեկացմամբ՝ ճամբարին մասնակցել ցանկացողները կարող են հունիսի 13-ից մինչև հունիսի 30-ը գրանցվել ԱրՊՀ ՈւՀՏԱ և կարիերայի բաժնում։

Շարունակությունը կարդացեք` սկզբնաղբյուր կայքում.