Էրդողանն ասել է, որ Թուրքիան պատրաստ է հյուպատոսություն բացել Շուշիում

Թուրքիայի նախագահ Ռեջեփ Թայիփ Էրդողանը հայտարարել է Բաքվի հետ բոլոր ոլորտներում հարաբերությունները զարգացնելու Անկարայի պատրաստակամության մասին։

 

«Մենք վճռական ենք զարգացնելու մեր հարաբերությունները բոլոր ոլորտներում», - ասել է Էրդողանը Բաքվում՝ Ադրբեջանի նախագահ Իլհամ Ալիեւի հետ բանակցությունների ժամանակ։

 

Նրա խոսքով, Թուրքիան պատրաստ է գլխավոր հյուպատոսություն բացել Շուշիում, «երբ դա ցանկանա Բաքուն, որը ուղերձ կլինի ողջ աշխարհին, մասնավորապես, Հայաստանին»։