Ոսկին փոքր-ինչ թանկացել է

Չորեքշաբթի առավոտյան ոսկու գինը մի փոքր բարձրացել է, մինչ շուկաներն սպասում են ԱՄՆ Դաշնային պահուստային համակարգի (ԴՊՀ) նիստի արդյունքների հրապարակմանը, վկայում են աճուրդների տվյալները։

Ոսկու օգոստոսյան ֆյուչերսի գինը Նյու Յորքի Comex բորսայում բարձրացել է 2,9 դոլարով կամ 0,15 տոկոսով՝ մեկ տրոյական ունցիան 1 961,55 դոլար։ Արծաթի հուլիսյան ֆյուչերսը էժանացել է 0,32 տոկոսով՝ մեկ ունցիան 23,898 դոլար։