Բրիտանացին 3 օր հուղարկավորված կմնա Wi-Fi ու էլեկտրականություն ունեցող դագաղում (լուսանկարներ, տեսանյութեր)
ՎԻԴԵՈԲելֆաստի բնակիչ Ջոն Էդվարդսը համաձայնել է մասնակցել արտասովոր նախագծի, որի շրջանակում պետք է 3 օր հուղարկավորված մնա Wi-Fi անլար կապով ու էլեկտրականությամբ համալրված դագաղում:
Ինչպես նշում է The Daily Mail-ը, 60-ն անց տղամարդը, որը նախկինում մոլի հարբեցող է եղել, ինքնասպանության մի քանի փորձ է արել և 2 անգամ հաղթել քաղցկեղը, հուղարկավորվել է եկեղեցու բակում:
Նա հույս ունի, որ իր արտասովոր նախաձեռնությունը կօգնի լուրջ խնդիրներ, ինքնասպանության հետ կապված մտքեր ունեցող մարդկանց թարմ հայացք գցել կյանքին:
«Հասկանում եմ, որ սա ծայրահեղ քայլ է, բայց ես ուզում եմ օգնել մարդկանց: Ուզում եմ օգնության կարիք ունեցողների հետ խոսել գերեզմանափոսից ու հույս տալ նրանց»,-մեկնաբանել է բրիտանացին: