Թափառող շները կնոջ ձեռքը մինչև ոսկորները հոշոտել են

Երկու անտուն շներ հարձակվել են Սոչիի բնակչի վրա, ով նրանց կերակրել է. Gazeta.ru-ի փոխանցմամբ՝ կենդանիները հոշոտել են կնոջ ձեռքը մինչև ոսկորները։

Ըստ աղբյուրի՝ շները կերակրման ժամանակ չեն կարողացել կիսել կերակուրը եւ հարձակվել են կնոջ ձեռքի վրա։ Միջադեպը նկատել են անցնող երիտասարդները, ովքեր օգնություն են կանչել։

Դեպքի վայր են ժամանել շտապօգնության աշխատակիցները և ոստիկանությունը։

Տուժածը բաց կոտրվածքով տեղափոխվել է հիվանդանոց։

Կնոջ ներկա վիճակի մասին տեղեկություններ չկան։