Ինչ իրավիճակ է Ներքին Հանդում

Այսօր առավոտյան պաշտպանության նախարարությունը հաղորդագրություն էր տարածել այն մասին, որ հունիսի 19-ին՝ ժամը 00:45-02:20-ը, Ադրբեջանի ԶՈՒ ստորաբաժանումները տարբեր տրամաչափի հրաձգային զենքերից կրակ են բացել սահմանագոտու արևելյան (Սոթք) և հարավարևմտյան (Երասխ) ուղղությամբ տեղակայված հայկական դիրքերի ուղղությամբ:

ArmLur.am-ը կապ հաստատեց Ներքին Հանդի համայնքապետ Խաչատուր Բաղդասարյանի հետ՝ հարցնելով, թե Ներքին Հանդում ի՞նչ իրավիճակ է այս պահին:

Խաչատուր Բաղդասարյանի խոսքով՝ այս պահին նորմալ է, կրակոցներ չկան:

«Ընդհանուր առմամբ, գյուղում խուճապ չկա, բայց պարզ է, որ մարդիկ անհանգիստ են, կրակը մեր գյուղի ուղղությամբ մոտ կես ժամ տևեց, դադարելուց հետո հանգիստ է վիճակը: Իսկ կուտակումները գյուղից տեսանելի չեն»,- ասաց նա:

Մաշա Մելքոնյան