Իմ շրջայցերը օգտագործվում են վաղաժամ քարոզարշավի պիտակավորման համար. չեմ հարմարվելու կեղծ մեդիա արշավին. Ավինյան

Երևանի փոխքաղաքապետ Տիգրան Ավինյանը Երևանի վարչական շրջաններում քաղաքացիների հետ հանդիպումները համարում է իր աշխատանքի կարևորագույն բաղադրիչ:

«Իմ շրջայցերը հաճախ օգտագործվում են վաղաժամ քարոզարշավի պիտակավորման համար: Երևանցու շահը ինձ համար առաջնահերթ է, և ես չեմ հարմարվելու այս թեմայի շուրջ ձևավորվող կեղծ մեդիա արշավին:

Որպես շրջայցերի արդյունավետության օրինակ՝ ներկայացնում եմ Կենտրոն վարչական շրջանում երևանցիների հետ հանդիպման արդյունքում արձանագրված խնդիրների մի մասը, որոնք տեղում արդեն իսկ ստացել են լուծումներ կամ լուծման ճանապարհին են»,- Facebook-ում գրել է Ավինյանը։