Բաքուն դրական է արձագանքել սահմանազատման հանձնաժողովների նիստ անցկացնելու Երեւանի առաջարկին. ՀՀ փոխվարչապետ

Alphanews.am-ը գրում է.

Ադրբեջանը դրական է արձագանքել Հայաստանի և Ադրբեջանի միջև սահմանների սահմանազատման հարցերով հանձնաժողովների նիստ անցկացնելու հայկական կողմի առաջարկին։

Այս մասին լրագրողների հետ զրույցում ասել է փոխվարչապետ Մհեր Գրիգորյանը։

Նրա խոսքով՝ Երեւանն արդեն ստացել է ադրբեջանական կողմից դրական պատասխան։

«Հավատում եմ, որ շուտով հանդիպում կկայանա»,- ասել է փոխվարչապետը։

Սակայն, ըստ նրա, բանակցությունների ժամկետի ու տեղի հարցում դեռ հստակություն չկա։