Էրդողանը կոչ է արել ընդունել Թուրքիայի սահմանադրության նոր խմբագրությունը

Թուրքիայի նախագահ Ռեջեփ Թայիփ Էրդողանը 28-րդ գումարման խորհրդարանում կառավարող «Արդարություն եւ զարգացում» խմբակցության առաջին նիստի ընթացքում ունեցած ելույթում հայտարարել է, որ Թուրքիայի հետագա զարգացման կարեւոր խթան  կդառնա երկրի նոր խմբագրմամբ սահմանադրության ընդունումը, տեղեկացրել է «Անադոլուն»։

«Թուրքիայի հարյուրամյակը» հայեցակարգը չի կարող իրականացվել այն սահմանադրության հիման վրա, որը ստեղծվել եւ ընդունվել է ռազմական հեղաշրջման արդյունքներով»,- ընդգծել է նախագահը։

Նա առաջարկել է հիմնական օրենքի խմբագրված տարբերակում ամրագրել  մուսուլման կանանց գլխաշոր կրելու իրավունքը։

Էրդողանը ընդդիմախոսներին կոչ է արել աջակցել նոր սահմանադրության աշխատանքին։